حسبي عليه

ليتك تصدق هرجتي لك والايمان
وليتك تكذب كل ماقيل عني

اللي سعى بفراق لا بد شيطان
يزعل اليا شاف الحبيب متهني

يفرح بتفريق الحبايب والاخوان
حسبي عليه اللي بفعله محني

الواشي النمام تلقاه فرحان
باللي حصل بيني وبينك يغني

مادام ذا فعله فلا هو بربحان
لا بد ما يقضي حياته تمني

وقت ملاه الكيد ما زان به شان
لا واحسايف صار من فوق ضني

جيتك وجيب الثوب بالدمع غرقان
دمعة ندم باسباب ماصار مني

عمر الحكي لو زاد ما هد بنيان
روتحي تبي روحك وقلبك يحني