تدري متى تنبت الصبخى وتصبح زهور؟؟

ياللي على غير مذهب تتصف بالغرور
وفي غيبة اهل المقام مسوي(ن) عنتره

خذها نصيحة خوي مطولين الشبور
اللي بنو مجدهم بالعرفوالمقدره

ترا الوكر مايوقع فوقه الا الصقور
لاتحسب انه عليه توقع الحمره

تزعم بمحزمك ورصاصه ردي مايثور
كم واحد(ن) محتزم به فالاخير انثره

خذ قاعده بالتغطرس لن تنال الظهور
ولايمكن انك تسوي شي ماتقدره

وخذ قاعده من صفى نيه وصدق الشعور
ارضى بما جابه الله واترك الثرثره

ترى الذهب نعرفه يبقا ذهب مايبور
من يملك لو يطول الوقت مايخسره

وعمر الجهل مايصير لفاقد النور نور
كم واحد(ن) في نهاياته جهله ادمره

وترى الثقه لافقدها الشخص عاش افدبو ر
كم منبرين فقدها طاح من منبره

وكانك مصمل على رايك مراح الطيور
لكن ابعطيك شطر اخذه معك تذكره

تدري متى تنبت الصبخى وتصبح زهور
هذا ليا جاك من فعل الهياط ثمره

حسين الكايد
استقرام تويترhsiin_k@