خذ من قصيديً وشوف جل اعترافي

ياصاحبي لا تشتكي الوقت والحال
خلّ الذي في القلب دومُ خافي

ما كل حكيٍ يا أبيض القلب ينقال
و لا كل عمرٍ من شقى الحال غافي

رح و اشتكي للي له الكل رحال
و ارفع كفوفك له ترى الله كافي

و اعرف ترى كلٍ من همومها شال
و لا قدُ شفت اللي من الهمّ صافي

ما انت الوحيد اللي شكى الوقت و الحال
و ما انت الوحيد اللي له الوقت جافي

اكذب عليك ان قلت لك خالي البال
ياما مشيت الدّرب و النّور طافي

همّي بقلبي يالخوي اتعب الحال
دمعي بعيني رقص اليوم قافي

انت الرّفيق الّلي بهالكون ما مال
لا ضاق صدري منهم ألقاك لافي

ترى غلاك اليوم ثابت و لا زال
و لا عاد أبي ربع القلوب المقافي

خذني يمينك وابشر بذرب الأفعال
وأمشي معك لو وين كان انجرافي

أقسم قسم إنك على الراس تنشال
خذ من قصيدي وشوف جل اعترافي