قــطاة .. الخـــرابة

عندي وعندك خير بس عيّني خير
مالي بعشك ياقطاة الخرابة

ماجيت أجرب مخلبي بالعصافير
للحر من دون المخالب مهابه

لا تخدعك ياهيه بعض التفاكير
ماكل غيمه / تحسبيها سحابة

عمر السلف مايتبعون المظاهير !
وعمر الشتيمه / ماتسمى دعابه

وعمر ( الجليلة ) مااشغلت ( سالم الزير )
الزير يدري / بشي محد ٍ درابه

والله لو تدرين وش داخل البير !!
ماكان حاولتي بيوم اقترابه !!

كان الثقافة طبلتين ومزامير !!
تفنني بالرقص / مافي رقابه !!

( والمبزرة ) كلمة لها ألف تفسير !!
طهرت نفسي / من حديث الجنابة

مير اهجدي بس اهجدي عيني خير
مالي بعشك ياقط اة الخ رابة