بعض الحكي

بعض الحكي به الجرح خافي
يجرح خفوق المحب بالكيه

وجاني كلام من لهم الغلا صافي
مثل طعن السكاكين بالقلب قويه

يقولون بك طبع الخيانه وافي
وفيك صفات من الخلق بالعون رديه

تاه بي الفكر وضاع يالله يا كافي
من قول غالي بقوله علي خطيه

ضاق الصدر وبان ماكان خافي
سر حب غالي نيته يقضي عليه

سر حب غالي به الشر خافي
والمعرفه به كانت مني خطيه

خطاي أقبله واعيد أوصافي
للي يجهل الغلا بلحظه غبيه

هذا وأنا محمد ذيب الفيافي
الصيت ذايع والمشاريه ماهي بليه

وأن جيت لكم بالحب شاري
عهد لوفيه بليا خطيه

عهدي وفا وللحب وافي
امشي درب المحبه بلى رديه