قصايد حزن

حبيبي طالت الغيبه وأنا مليت حزن وافراق-
 
حبيبي لامتى وأنا اشتكي ظلم الهوى وجوره
 
تحملت العذاب أسنين وطعمه مر ماينذاق-
 
تعلقت بأمل حبك لجل ماينطفي نوره
 
ابيك اتكون في دنياي طفل نام وبعد مافاق-
 
لقاه الحزن في دنياه واخذه اليوم دستوره
 
انا وأنتي وثالثنا أكيد الحزن ماينطاق-
 
لكنه فرض نفسه علينا ولعب دوره
 
حبيبي كل ماضاقت بي الدنيا وصدري ضاق-
 
اشوف الحزن بعيوني حبس دمعات مقهوره
 
تعبت ارسم فرح عمري تعبت أمني الاشواق-
 
اخاف يموت بغيابك غلاي وتقتل أغروره
 
غلاك اللي ذبحني حيل غلاك استوطن الاعماق-
 
وسيطر بالهوى حبك على الاحساس وشعوره
 
تخيل ان الشعر شخص مزاجه لك بعد ماراق-
 
تخيل كيف تستدرج غلاه وتغوص في بحوره
 
انا دايم وانا اكتب لك على بيض الورق مشتاق-
 
انا في دفتر اشعاري كتبتك اجمل اسطوره
 
انا هذا اللي خذيته منك ياعمري على الأوراق-
 
قصايد حزن في دفتري وأبيات منثوره