بكائية : المســــــــــتجـدة

:::::::::::::::::::::::::::المستجدة ::::::::::::::::::::::::::::
...

ابكي اليا مريت.. بالمستجده
ابكي النخل وابكي نوادر ..رجاله

أبكي أبوي ومن تسلسل بجده
ابكي رجال يعشقون ..الشكاله

أبكي أبوي.. وعزوةِ.. له وبدّه
أقفوا كما مزنٍ ..توزّى ..خياله

يا جنةً... كُنا... زمان... نعدّه
واليوم سيف الوقت قطّع حباله

من عقب ماهي دوحة مستمده
يزبن لها العطشان راع الزماله

اليوم أشوفه سهلةٍ مجرهدّه
شيخ العطش فيها مميل عقاله

إفرج لها يالله من بعد شده
ياملتجا حيٍ.. لجودك .. عناله

حسناه للعاني بجوده تمده
كم مسغب ٍ يشبع بمدة.. رجاله

منهم محمد راعي المستجده
وتركي ستر ناس على قد حاله

ورشيد لامن الردي نش حدّه
سيف المطر يفرح بمد عطى.. له

وان قلت يادرويش ..بالحال ..بدّه
من جود ابو غالب بلغت الرسالة

وعبدالله الفيصل سعد من يهده
طير السعد للجود تارد ..حباله

ابكي ..هكالشيبان ..ردّه.. وردّه
نزاه الشوارب مدركين الجماله

ابكيك.. يادار ..الكرام ..الموده
مادق في نبضي من الود حاله