عيّا لذيذ النوم لا يطرق العين
والعين تشكي من سبايب سهرها
ليلة موادع ع27ام
دق الحزن بابي وروحي قهرها
قمت أتذكر لحظة العسر واللين
واجمع ورق فكري لو ايدي عسرها
وَقول ألا يارب يا حافظ الدَين
يا غافر الزلة ومخفي آثرها
ارحم عبادك واغفر لكل مسكين
مما جنت.. نفسه وتالي كدرها
ضاقت به الدنيا مثل صاحب الدَّين
يوم ٍ روحه من عناها قبرها
هذي سنه مرت بها الزين والشين
مرت ولا فينا من أحصى خبرها
ضاعت حقوق أمه وحنّا مقفيين
واستوطن الشيطان لا رض ودمرها
وتلعب على الحبليين بنت الملاعيين
باسم الحقوق تمارس أبشع صورها
مابين خاين .. كاذب .. وجمع الاثنين
تفقد مفاهيم السياسه بصرها
والله يرحم من تذكّر فلسطين
وأمسى يعزي خافقٍ ما نصرها
والمعذره لو كان ماتنفع الحين
المعذره يا قدس.. هلّت عبرها
عام ٍ مضى وبصدره آثار سكين
وعامٍ جديد اتحس ناره سعرها
ويبقى الأمل موجود لو شحت سنين
وتبقى الأماني.. حلم نجهل قدرها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.