الـحـاجـه ..

لاراح يومٍ يبتدي يومٍ جديدٍ بالصباح
مافي جديد اللي حصل ياناشدٍ كله قديم

لكن صليت الصلاه وقلت حي علي الفلاح
وابليس يرقب للبشر واقول ملعونٍ رجيم

وقفت انا لكن بعض الناس لامن طاح طاح
نبكي على حاله كم نبكي علي الطفل اليتيم

اصعب من الطعنه بعدواصعب من السم الذحاح
واقشرمن الحظ الردي واقشر من الحظ العقيم

اكبر مصيبه في زمان العولمه والانفتاح
لا صارت الحاجه مع الايام بيدين الحريم

والرجل مثل الحر لكن حر مكسور الجناح
والمشكله فالعقل لو يبدي على جسمك سليم!

اما لبست الثوب الاسود قلت ماعندك صلاح
والا لبست المرجله ونقول رجالٍ حشيم

راحت علومٍ ونتهت واشوف براقٍ ولاح
واستغفر الله والله المعبود غفارٍ رحيم