الجوف فرحه.

الجوف فرحه والشوارع سعيده
حتى الفرح مشيوف بعيون الأطفال

وقارا عروسه في ملابس جديده
وسامح عريس معرّب الجد والخال

عمّ الفرح بالمملكه بحّل قيده
كل المناطق شاركت جوف الأبطال

والشكر لله ثم من مد بيده
يرجي الأجر ماهو عن المدح سئال

دق الرقم ثم حوله من رصيده
ماقال واجد وأغلبه حب الأموال

وعيّا عن أسمه ينذكر بالجريده
وسجّل ب فاعل خير طيبه والأفعال

يالله طلبتك بالعطايا تزيده
وترزقه فوق المال تقدير وإجلال

ويطول عمره بالحياة المديده
الطيّب اللي للصعيبات حّلال

وما أنسى فعول أهل الخصال الحميده
اللي وقفو معنا على قلب رجّال

بسمي وربعي عزوتي بالشديده
نشكر جميع اللي وقف وقت الأثقال

ويارويل قومو وأفرحو اليوم عيده
سامح ولدكم أفرحو همّه أنزال

ونبغى ندح في وسط قارا المجيده
نبغى الفرح تفخر به أجيال وأجيال

هذا شعوري موجزه في نشيده
يشيلها ممدوح بالصوت موال

وختامها بأختم في بيت القصيده
وأبغاه يبقى مع هل الشعر في البال

عيباً نقول الشعر ونكتب جديده
أن كان مايذكر هل الطيب لا أنقال