ابيات وتغريدات خاصه

ادري مينفع صوت لا فاتني الفوت
وانا على تحقيق الاحلام شفقان
قالو بأن الحظ يمرض ولا يموت
وخوفي يروح العمر والحظ مرضان
.
.
.
احبها / وماظن في حبي حرام ..!
ولحدن درا اني ( اسير عيونها ) ..!
اخفيتها بقلبي عن عيون الانام
واثر البشر بعيوني ايشوفونها ..
وش حيلتي .. لاصار مايحصل سلام
منها .. وانا في حبها // مجنونها
وشلون ابهنا بنومتي لاجيت انام
وشلون ابقضي الوقت انا من دونها ..!؟
ادري // تخاف ان قربت حولي // ملام
وخلق الله ع الزله وساع عيونها ..
.
.
.
اهل المحبة بالمحبة مجاريح
وكلاً شكا من حبه اليوم جرحه
ياللي دخلت القلب من غير تصريح
بالبعد جرح وبالمواصيل فرحه
.
.
.
تجين من كيفك ..! وفجأه تصدين ..!!
كنك كذا متعمده .. تتعبيني
انا اشيل الهم .. وانتي تنامين
واصبح وانا ماذاقت النوم عيني
والمشكله اني احبك / وتدرين
يعني حرام // اللي تسوين فيني .!
.
.
.
صحيح ممكن احب ..!
بس مستحيل اكره ..
وان خاب ظني اليوم ..!؟
استأمل ب بكره ..!
.
.
.
الغربه .. مو بالوطن ..
الغربة .. غربة روووح ..!
وحيد / شفني وانا مابين اصحابي ..!
ظلمه الدروب اصبحن ..
لاجيت لك ب آآآآروح ..!
ومحدن درا بحالتي .. بس انت ادرى بي ..
.
.
.
ارفق على الخافق وإحسن
بالوصل / والوصل يحييني
عذبت بالحب ولد محسن
ياشاعري الحس .. حس فيني
.
.
.
كل شي ممكن يابعد حيي يهون
الا الزعل مايهون لو تزعل علي ..!!
انا ازعل اللي يزعلك لو وش يكون
وشلون ابرضى ازعلك ياريحه هلي ..!؟
.
.
.
لبى الرموش اللي على عينه حرس ..!
ولبى العيون ورمشها وحراسها
لا والله الا احلا من عيون الفرس
عينه ليامن صوبتني اقواسها
.
.
.
ياصباح المحبه والغلا والغرام
ياحلاته صباحي دام به يبتدي
دام جوه تمام ودام جوي تمام
يالمشاعر ابدعي له بالشعور وغردي
.
.
.
فيك أتصل بس للاسف ماحصل رد ..!
ومرت ثلاث ايام .. وين انت غايب ..؟
ماكنت اخبرك قاسي / وقاوي تصد
خآبرك ذايب بي / وانا فيك ذايب ..!
( حيلي ) واحسه من كثر شوقي / انهد
ولا تنغفر غيبه / بليآ سبايب ..!
ان كان تبغى الزبده .. وتبغي الجد
حبك عجيب ومنه شفت العجايب
حبك عذاب الروح / والروح تشهد
ماني من التعذيب / والحب .. تآيب ..!
مشتاق لك / ياللي لك القلب غرد
شوق الفيافي للمطر والسحايب
اما إتصل ..! والا اذا بتصل ( رد ) ..!
وطمني عن حالك .. وخلنا حبايب
6:44 ص
24/05/2012
.
.
.
( شمري ) والشمري باللآزمه راس مال
نبع طيبه للرفيق وسيف ع المعتدي
يحق لي افتخر وايميل حتى العقال
لاذكرت الطنايا لابتي وسندي
.
.
.
من عنآدك عنآدي بالمعاند / عنيد ..!
لا تزيد العناد .. ولا تسبب أذآآ ..!
يكفيني انك ياعيوني من عيوني بعيد
ويكفيك حبك خذاني .. وكل مابي خذآآ
ماكنت ابي غير حسك .. وانت حسك فريد
ياعطور الورود // وللورود الشذآآ
والله ان القلب ياقلبي ب بعدك وحيد
مايبي هذي وهذاك .. ولا يبي هذا وذآآ
وعن لا نزيد ونعيد .. ولا نعيد ونزيد
مو حرام انك تسوي بمن يحبك // كذآآآ ..!
 
15/6/2012
.
.
.
يابو عيون ٍ جابت بقلبي العيد ..!
كم مره ٍ لك قلت قربك مرآدي ..!
الوقت لو جآني على كيف مآريد
ماكنت ابذل للوصل / اجتهآدي ..!
بيني وبين الحزن بعدك موآعيد
والليل يسرق من عيوني / رقآدي ..!
عآدي يطول غياب الاصحاب وايزيد
الا انت لا والله ماهو ب عآدي
.
.
.
بيت / وياليت انه على اعجابك ايحوز ..!
بهديه لك .. يامن لك العمر سآيق ..!؟
مآجوووز من حبك ولا منك آآجوووز
هذي الحقيقه كانها بالحقايق
لك كزني شوقي ولك جيت مكزوز
يامن غدا بغيابك الصدر ضايق
صوتك / مثل لا غنت الصبح فيروز
لامن سمعته .. اصبح الصبح رآيق
.
.
.
الناس ماتدري .. ولا تدري الناس
بهموم حطت وسط صدرك خيامه
هم يحسبونك سالي .. وخالي احساس
لكن لك الله ماعليهم ملامه
.
.
.
يسعد صباحك ياحلاوة صباحي
منعم بحبك وانت شوفتك نعمه
بالصبح ان شفتك يزيد ارتياحي
ولقياك خلا الصبح محلو طعمه ..
.
.
.
قلبي .. ونبضآته .. واحآسيسي .. وأنا ..!
كلنا لوك طلبتينا .. فدآآآآآآك
من لنا غيرك .. وغيرك من لنآ ..!؟
ولو طلعتي للقمر .. طرنآ ورآآآآآآآآآك
.
.
.
فيني حنانن لو يوزع على الناس ..!
تلقا جميع الناس مثلي .. / حنووونه
واحساسي اللي ما انخلق مثله احسآس
يبطووون اهل الشعر .. لا يآصلونه
كلمة ولك دونتها بين الاقوآس
( أحبك ) .. وحبك سرآآآآبي جنووونه ..
.
.
.
نظره عيونك فسرت معنى الالهام
لبى النظر دام النظر من عيونك
شفني وانا من نظرتك هايم هيام
ماغير بعيوني اغازل سكونك
كل العذوبه فيك ياعذب الانسام
يامن خذا ورد الغلا منك لونك
خذني بنظراتك وابسري معك دام
معنى الجنون اللي عرفته جنونك
مانام شوقي والغلا مابعد نام
حتى عيوني ساهره ويحرسونك
ياللي معك تحلا بي اوقات وايام
الموت / وقتي يوم انا اقضيه دونك
وللموت لوك قلت قدام / قدام
كله لاجل ارضيك وارضي عيونك
.
.
.
من انفآسه العطره وعطره تعطرت
محبوبي اللي عذب الانفآس / عطره ..!
غيمه حضني / ومن حضن غيمه امطرت
وارويت قلبن يرجي الغيم مطره ..!
صايم بدونه وان لفا فيه افطرت
وانا الوفا فيني من الله فطره ..!
كتبت له اجمل قصيدي وسطرت
ويفداه شعري وبيت شعري وشطره ..!
انا اشهد انه لا لفا من الفرح طرت
وانا اشهد ان الحال لا غاب .. (خطره)
.
.
.
ياحظ كل حرف ٍ كتبت // وقريتيه ..!
لانه بعد ماينقري منك ( يحلآ ) ..!
ياللي بغرامك من كتبها سحرتيه
انتي من حروفه ترا كثير احلااااااااا
.
.
.
ياحبيب القلب عل عيدك سعيد
ياحبيبي انت من بين الانام
كل عام وحبك بقلبي يزيد
وانت عيدي كل يوم وكل عام
.
.
.
كل عام وانت بخير / ياناسينا
بالعيد جيت وجيت لك / آآعآآيد
متكلبشه عن وصلكم ايدينا
والشوق زايد والغلا لك زايد
.
.
.
يفدنّك حروووفي وانا كلي فدآك ..!
يا أجمل احسآسي .. وياعذب حروووفي ..!
الخوف لو في يوم أدوّرك م القاك ..!
وخوووفي ماهو منك / عليك انت خوووفي ..!؟
.
.
.
كل عام وانت بخير / واحساسك بخير
وكل عام وانت من المشاعر قريبي
عيدك سعيد .. وعيدي بشوفتك غير
وكل عام وانت اللي احب .. وحبيبي
.
.
.
الشعر / احساس .. وشعور .. وهواية
وياكثرهم .. من ماخذ الشعر / مهنه ..!
احدن كتب من شان تحقيق غايه
واحدن كتب من شان تفريغ شحنه
.
.
.
في غيابك / كل احاسيسي تدينك
امسي باحزان .. واصبح باعتراف
كن قلبي ينبض ب :( الله يعينك )
والليالي بعدك طوال ٍ .. عجاف
واتحرى بغيبتك / غيمه حنينك
والمشاعر بعدك تعآني/ جفاف..!
حس / بس الله يرحم والدينك
لا تخلي بالتوجّه/ انحراف !!
ان جيتني باقول مابيني وبينك
عين ٍ مخده لك ..وعين ٍ لك لحاف
.
.
.
بكينا .. ولا لقينا من يقول شصار .. والا شفيه
وضحكنا / وكلهم قالو : وش اللي صار واضحككم ..!
.
.
.
خايف مثل مانتي تخافين
وصدوف الايام غداره
والظرف الله عليه يعين
ماهو على الكيف نختاره
امشي ولا ادري اروح لوين
والشوق بي ثار ثواره
ياكثر ناس تشوف العين
والقلب ياكثر زواره
ماملت انا لغيرك وتدرين
حبك بنا بداخلي داره
والله لابقى احبك لين
ماينتهي العمر واسفاره
.
.
.
كبير عمر / وداخله طفل صغير
ولو تخلينه من الفرقآ بكآآآ ..!
يجلس لحآله .. وبأحوآله يحير
والهم بعدك جا لقلبه وارتكآآآ
ثآير ومن شآف حآله يستثير
ومن سأل عن حآل قلبه اربكآآآ
يدعي بالخير / وهو مآهو بخير
ولغير ربه ماخبرت انه شكآآآ
.
.
.
 
فله / وجوريه / ونرجس / وياسمين
وردن خذا منك حلاه وعبيره
ياوردتن ماتنوجد بالبساتين
حتى الورود ايصيبها منك غيره
.
.
.
القلب // يمسي .. ويصبح بزحمة أشوآآآق ..!
بالله قلي وين اوديه ( شوووقي ) ..!؟
مشتاق اعانق دافي انفاسك .. عنآآآق
ومشتاق اضمك .. لين تروي عروقي ...
.
.
.
بالعيد كلن ياحبيبي يعايد
وللعيد فرحه وفرحته فطريه ..!
والا انا جيتك وشوقي زايد
ومني تقبل بوستي عيديه
.
.
.
العمر راح ولا بقا بالعمر شي
والوقت ماجاني على كيف مابي
قولو لها : وان كان ماقسمته لي
الله يرحمني .. ويرحم شبابي
.
.
.
بالدنيا .. يارب نبي الغفران
وبالآخره نرجي الجنه
وبالرحمه نرجيك يالرحمان
ياللي جزائك بلا منه
.
.
.
تقبلو تحيات اخوكم / طلال محسن