أشتاق لك ..!

لا تعاتبني على قِل الوصال
نار شوقي لو تجيها تاكلك

انت في قلبي واذا ودك تعال
شوف حجم الشوق والله ياصلك

ما نسيتك رغم ذاك البعد طال
لن قلبي ما قدر "يتجاهلك"

لا تظن الصد في "شرعي" حلال
والله إني دايماً "محتاجلك"

العشق تهتز ب.. اسبابه "رجال"
ورغم هزاته تراني "شايلك"

لكن اسمحلي أنا عندي سؤال
جيت هاللحظه تراني سائلك

منهو إللي دك في وصلك "جبال"..؟
ومنهو إللي فالهوى يستاهلك ..؟

الإجابة ما أبيها من خلال
حرف باهت .. دام حبي "شاغلك"

الزوايا .. والسحايب .. والظِلال
كلها تشتاق "يكفي" جات لك

مثل ما غنّى "أبو نوره" وقال
"الأماكن" .. كلها مشتاقه لك ..!