فلوتاب

احساسنا يا صاحبي بالفرح غاب
وغابت معه في وقتنا كل طيبه

ما عاد أشوف أحباب وأصحاب وأقراب
أقسم بربي جد هاذي مصيبه

تغيرت عاداتنا ويش الاسباب
يمكن ضروف الوقت صارت غريبه

صار القريب يسن ل/ اقرابه الناب
وما يكتفي من يمّهم بألف غيبه

يدس سمّه بالعسل والرجا خاب
ويصيبنا من موقفه كل ريبه

يحسدك في رزقك ويكثر لك عتاب
ما يدري ان الله مقرر نصيبه

يضحك بوجهك والحشا بيضة غرابي
عني عدوّه بس بصورة حبيبه

واذا جلس في مجلس (ن) قام يغتاب
وأول كلامه غيبته في قريبه

لا يحترم شايب ولا يحسب حساب
وهروج مثله فالمجالس تعيبه

يغمز وينّبز ف/ القرايب ب/ الالقاب
واذا نوى يخدمك ياخذ ضريبه

يقلون ما مات بسمومه سوى الداب
وأنا اشوف الداب ودي اصيبه

الله يجازي من فتح للفتن باب
ما ينقفل دام النوايا مريبه

والله يعوّض بالقرايب والاصحاب
ادعي عسى رب السما يستجيبه

أنا مزكّم صابني شدّة أعصاب
وراسي مصدّع من فعايل عجيبه

إن كان عندك يا رفيقي " فلوتاب "
تكفى طلبتك يا رفيقي تجيبه