فايروس الذل

ناسٍ ؛ تبوْس الجزمة اللي تدوسه
تبيلها ؛ من تحت الأقدام تنداس

وفي كل ؛ معنى الاستكانة ؛ تبوْسه
في مثل ؛ ما الطفل من الأم ؛ ينباس

بأسلوبها اللي ؛ فيه تحفظ دروسه
في مدرسة ؛ ناسٍ بليدين الإحساس

في روسهم ؛ من (فيروس الذل) سوسه
في كف ؛ من يدوسها ترفع الكاس

وتبوسها ؛ بوسات فيها لحوسه
لو بوسها ؛ مرات يذهب بالإفلاس

معنى الكرامة ما يخالج نفوسه
وأنفاسهم زفيرها خبث الأنفاس

ناسٍ ؛ همومه بس كثرة فلوسه
ولا ؛ لهم في غيرهم ربع هوجاس

ما ترتفع في هامة العز روسه
وتشوفهم ؛ ناسٍ..ولا هم ؛ من الناس

ما يهمها يروسها من يروسه
وشلون ؛ يصيرون الأوادم بلا الرأس؟!

على الولايم يسبقون البسوسه
منها لهم في حينها ضوء نبسراس

ولهم المصالح بالنفوس البلوسه
يعني بلا قيمة وشيمة ونوماس!!

بالعرس ما بين العريس وعروسه
يسعون بالنمات في قتل الأوناس

مع بعضهم رسٍّ تدابا رموسه
وعلى التآمر من تبلَّوه ينحاس

ويروح في مد اليدين الدسوسه
والحق ؛ باطل والقضية بلا ساس

فيها دلاسيس النفوس اللسوسه
بالفن حول (الحر) ينسجن لولاس

ويبقى عزيز الذات داخل حْبوسه
حتى ان عز الذات في داخله خاس

في واقع يصرخ بحالك تعوسه
فسادنا ؛ يحتاج ملياااااااار (كنَّاس)