يا لبى زوله

ناظرتني واسدلت رمشن يغني
وَاطلقت شوقن على اشواقي يقيد

وارفضت مبدا التهرب والتجني
واعلنت عينه عشوقن لي تصيد

وانثرت كل الاحاسيس و سقني
وِاصْدقت شوقن على انفاسي يزيد

عاهدتني بالسعاده والتهني
وَاشبعت قفري بكل نهرن مديد

جالستني للصباح اللي سكرني
ما يبي ليله يقافينا بعيد

تشهد النظره على شوقن لجمني
من لهيب العشق ما يكوي الحديد

وَاعِدتني والقلب نبضه صدقني
وَاسْكنت روحي روايه ما تميد

حبها وحبي سما فوق التمني
وامطرت منها دفا يروي الوريد

يا لبى زوله سرى دربي تبني
وَازهرت عمري وهو فيها وليد

وَانذِهل سبحان ربي لو يمنّي
بشكره لانها دوا قلبي الوحيد

يا عسل منها شفايفها اثملني
والعشق يفعل بقلبي ما يريد