النفس مشتاقة

صب لي من دلال الغلا لأعدمناك
صبه وخلك يابعد كل غالي

دام أن يمنايه تلامس ليمناك
ماهز فنجالي ولا هو طرالي

النفس مشتاقة لشوفك ولقيآك
شوق العزيز اللي عن الدار جالي

يابري حالي لانظرت لمحياك
وسلهمت في عينك وابري حالي

يذوب قلبي مع عسل بسمة شفاك
وأنسى صواديف الزمن والليالي

أطلب تمنى وما تمنى ترى جاك
مايوم جيت وقلت ذا لك وذا لي

أنته مناه الروح أيوالله أفداك
أنت حياتي ومنيتي وكل مالي

يازين لاتجفى خفوقٍ تمناك
يكفي جروح الوقت أول وتالي

يازين عاهدني وعاهدك مانساك
مانساك لو يصعب علي الوصالي