رحيل الهوى

ان غبت لا تسأليني وين هالغيبه
بعلن رحيل الهوى واجر موالي

ضميتك اشواق يالهفة مشاريبه
تعبت وانا احتري بك جرعة اذلالي

لما طلبتي الغلا جيتك مهلي به
حملت قلبي على كفي ولا ابالي

غمضت عيني عن الفرق وعذاريبه
نزلت الى مستوى فكرك وغربالي

زدتي بهجرك عنا قلبي وتعذيبه
رويت منك الجفا وارخصت منزال

جيتك وقلبي نهر عفوية وطيبه
الله / يا قو قلبك ويش سوالي

عزفت طاروق بوحي لأجلك تهني به
حتى خيالك احسه ساكن اظلالي

واهديتك القلب واشوفك تسلي به
لأبوك يالحب وش سويت في حالي

فكري اسيرك وفا يا وين تغدي به
صرتي لي الروح والإحساس والفالي

يا نشوة الحب يا لذة مطاليبه
ياقمة العشق واااااااه ويا برى حالي

الروح تأمر على فكري وتسري به
اثملت حبك وتغريدك وترحالي

اسكنتك الجوف وحليتي مضاريبه
ومن زود طيبي وهبتك كل آمالي

بالأمس قلبك بريئ والحب يندي به
واليوم من قو ظلمك صار متعالي

وبالأمس نبعي سقاك الشهد تروي به
واليوم عزفي على فرقاك موالي

باودعك / والألم جوّد مخاليبه
طير نعاسي /ولا لي جو يصفالي

روحي وقلبي وفاه اليوم ماليبه
يمين لك ما اترجى واطلب او صالي

شعر / احمد المنتشري
في 09 / 3 / 2008 م