مِت احتري وصله..

صدر السما فيه المصابيح تجتال.
والليل حالك طاب للشعر مسراه.

على دروب الحب مرسول بالحال.
حرف ٍ توشح بالوفا قبل ينصاه.

معطيه قلب ٍ فيه الإخلاص يختال.
واخذت قلب ٍ قاسي الصد غطّاه.

في ظلمة عيوني تلالا كما اللال.
طيف الوليف بْعين عاشق تمناه.

وليا انجلى بالعين نور ٍ لها زال.
طيفه وكل اللي بدا من مزاياه.

مرّت سنه والقلب بالشوق رحّال.
عَلْ النسيم يْجيب عطره ويهناه.

ماغاب عني لا ولا قدّم وْصال.
دايم معي والقلب تلحاه فرقاه.

خلاّ خفوقي بين صادق ومحتال.
أيجابه الاشواق والصد و بلواه.

في شاشة عيوني تبين للأزوال.
فيلم المحبه مثلتها عطاياه.

ياقو قلبه ما وصل منه مرسال.
مِت احتري وصله وزوله وملفاه.

لو الثمن في جيته روح رجّال.
بدفع ثمنها والجسم من فداياه.