يا عاذلي

يا كثر ما شلت وتحملت لقصاي
في وقت لا يرحم ولا هو بمجبور

وقتٍ سقاني المر واحيا بدنياي
روح الألم والهم والغم والجور

يا عاذلي تكفى ليا عشت سلواي
لا تمتحن نفسي ولا تاخذ الدور

ارهقتني وارهقت جرحي ومرماي
وكسبتني لو فزت بالغش والزور

انا اعترف لك ما تعثرت بخطاي
لكن عثرني حظ سيد ومامور

حظٍ حسبت انه الى طحت منجاي
حتي ولو انه غدى عني الشور

لكن رسيت وول يا شين مرساي
بأرضٍ غدت والله معه كنها بور

واصبحت انا ما بين همي ورجواي
جثة ملاها الهم واحساس منحور

واليا زبنت ازبن مجاديف مسراي
واسري علي حرفي عن الكون واثور

واليا هديت ارجع ولا تحس ما طاي
حتى ترجعني وتسكني البور