يـا مـجـرمـه

يامجرمه
ما دام قلبك من حجر فأرحلي يا مجرمه

ما أبي طعنه وانا في صدري الجرح القديم
الساري اللي مانسى نور الليال المظلمه

في خافقه حسره كلت صدره مثل نار الهشيم
دام الحقيقه مؤلمه , كل النتائج مؤلمه

أغلب حشايه من قهر والباقي الله به عليم
أبني من اللهفه وفا والحظ الأقشر يهدمه

لا وا خسارة خافقي / أبلشه هالحظ العقيم
أنتي وانا في هالعنى لو تفهمي يامسلمه

كنٌك كفرتي بالغلا وبالشوق شيطانك رجيم
المشكله ما به أحد إلا وظرفه يحكمه

وانا حكمني هالزمن بالشوق والجرح الاليم
كنٌا نعلم هالبشر قصٌة غرام ومغرمه

فعيونهم من عشقهم طفل ٍ قضى عمره يتيم
كانوا يربونه عطوف ويعشق اللي يرحمه

حتى نسى من حبهم ماضيك يالحزن اللئيم
وشلون يهزم همٌه اللي عاجز،ن، لا يهزمه

أو كيف شاف الحلم واقع ونجرح جرح ن،عظيم
صار يفهم مانسى يفهمه واصبح يفهمه

شف كيف حاله هالطفل .! ما كنٌه بهمه مقيم
والحين انا اشبه هالطفل مظلوم وقلبك يظلمه

ما رضى به مهتني ولا رضا بحاله سقيم
وش باقي اكثر من كذا .! يالقاسيه يالمجرمه

ما عاد في صدري محل يا كود للجرح القديم