مات العزا فيـك

صوتك بيوم العيد والله لازال
ينخر ضلوعي لين زاد بجهَدها

مالي جدا ياكود هالدمع iiهمال
يسقي بيوتن غاب عنها سندها

من بعدك الدنيا تصاوير/ أشكال
غيبتك هدت كل روح بجسدها

ياقوّها صدمه ويابعد هالفال
للحين ماصدقت منهو سردها

أخبار والله تفجع القلب ياخال
خيمتك قالوا طاح عنها عمدها

اطرافها مالت مع الريح بالحال
مافادها ياخال كثرة عددها

في غيبتك مايفقد الكون رجال
الاقبيله هاجرت عن بلدها

روحي بعد عينك لهالهمّ مدهال
ماعاد يغريني هناها وسعدها

دنيا خذت مني حياتك على الحال
من بعد ماذاب بيميني شهَدها

مالي عزا مات العزا فيك ي خال
عزاي شوف اللي حياته فقدها

غلاي غاب وغيبته هزّت جبال
في ليلةٍ ياسعد منهو رقدها

ليلة جفا من بعد ماكانت وصال
لحضور غاليها ينادي عهدها

يالله ياعالم مواعيد الآجال
تغفر ذنوبه وان تزايد عددها

وتبدله عن دنيته خير منزال
جنات خلدٍ تغسله عن كمدها