ماتستر الضحكه لياجت عقيمه & يوم الـفـرح مـن عـالـيـاته طـرحها

1 بين الرجاء واليأس دمعة يتيمه & طاحت على كف الزمان وجرحها
 
 
 
2 باتت من صروف الليالي أليمه &والرحم ما مد اليدين ومسحها
 
 
 
3 مسيلها بالخد يبقى وسيمه &الستر شرهاته على اللي فضحها
 
 
 
4 ماتستر الضحكه لياجت عقيمه &يوم الفرح من عالياته طرحها
 
 
 
5 مفرق طرق يا الذكريات القديمه & محطةٍ عمر الزمن ما شرحها
 
 
 
6 المعذرة ترى النوايا سليمه &المعذره ابحورنا من سبحها
 
 
 
7 كله من اسباب الظروف اللئيمه &اللي لقت بالحزن قمة فرحها
 
 
 
8 واسفر لقاها حيرة مستديمه &الظرف عمره بالفرص ماربحها
 
 
 
9 تبقين حره عند مفرق رحيمه &ذنب الضحيه برقبة من ذبحها
 
 
 
10 تسابقت ادموعها تقل ديمه &وسم العذاب اللي لها ما دمحها
 
 
 
11 انبت عذاب بالجروح المقيمه & وسميةٍ يشبع بها اللي سرحها
 
 
 
12 تبقين يا الشكوى نديم ونديمه &ماتنبدي الشكوى على من سنحها
 
 
 
الشاعر / لهيلم زايد المويس