نبضة غرام

غرِّدي ياطير غنِّي ياحمام
ردِّدي لحن المحبة ياطيور

يانسايم الصِّبا ودِّي السلام
ازرعي البسمه على محيا الحضور

هثهثي هتَّان يامزن وغمام
وانثريها بالعبق ورد وزهور

ياقصايد ابدعي القاف التمام
بالغلا والحب في كل البحور

للحبيب اللي تعدَّاه الملام
للحلا والدَّل زاكيا العطور

ياوفا يا الحشمة ويا الاحترام
ياثقة واخلاص ياوافي النذور

ياعديل الروح يانبض الغرام
يالسعادة يالفرح كل السرور

ياالشرف ياتاج راسي ياالوسام
يا سقا ضماي وياماي الطهور

ياقمر يانجم ياضي الظلام
ياشعاع الكون نور ٍ شعّ نور

ياظبيّ الريم ياوحش العدام
الغلا لك وسط قلبي مايبور