ابن بدر

سميت باسم اللي عليه التياسير
والبال هيض وبالخفى ماطراله

نايب أمير المنطقه شرف صوير
واهل البلد تشرفت باحتفاله

حييت يانسل السعود المشاهير
حكام نجد ٍيوم دور الجهاله

حييت ياريف الضعوف المقاصير
اهل الفخر والطيب واهل الجماله

تحيه أحلى من در المباكير
وأحلى من صرف الذهب بالعماله

عبدالإله القرم حسن التدابير
اشال عنا كل هم ٍ وأزاله

واليوم نزف الفرح والتباشير
جانا ابن بدر مكمل ٍ لرساله

الله يثبت حكمكم دوم يامير
في جاه رب ٍ عالما ً كل حاله

فهد ملكنا له معزه وتقدير
حمل الخليج ارتكاله وشاله

راع الرياسه والسياسه وتفكير
فكاك صعب معقدات ٍ حباله

وعبدالله اللي ليا زحم كنه الزير
وسلطان عز المنضهد ون عناله

أنتم اهل العوجا على الشر والخير
وانتم اهل التوحيد يوم الضلاله

وحنا معاكم والعدو في زمهرير
وأبليس يرجم بالحصى مع عياله

وارجي السموحه وان حصل فيه تقصير
الكامل الله والبشر به عجاله

وصلاة ربي عد هل المعاصير
على الرسول اعداد مامطر خياله