مليك المحبه

مابين جفني ورمشي يالغلا دوك نام..
جفني وسادة حنين ورمش عيني غطا..
 
ومن فتنة العذل لاتخشى عليك السلام..
مادام صدري فضاك..وروض قلبي وطا..
 
لك في مقامه أجل القدر وأسمى مقام..
حتى ولو سيف ظلمك في عروقه سطا..
 
ولك من خصامه عبير البوح والأحترام..
لأنه تخصص بدكتوراة دمح الخطا..
 
بأفرش لك الحدب درب وفي يديك الخطام..
وأخطي معك يامليك الروح نفس الخطا..
 
وأشربك حب لين أوصلك للهيام..
ياأغلى مليك ٍ على عرش المحبه وطا..
 
وردتك الصدر مجلس والعيون المنام..
ماأبيك تستاحش الوحده وقشر البطا..
 
وعطيتك العمر مسك وفي يديك الختام..
أنعم عسى الله يعوض بالتعب من عطا..
 
تعال يانور عيني وسط عيني ونام..
جفني وساده حنين ورمشها لك غطا..