ياهاجسي فكرى من الهم تعبان
والصدر ضايق والحزن مبتليني
ما عاد لي واهس على نظم الأوزان
القلب من ضيم الليالي حزيني
يبست عروقى والحزن صار عنوان
يكتب تفاصيل العذاب اللعيني
جر الربابه وابدع اليوم الالحان
ودى على انسى مامضى من سنيني
قصه الليمه كلها احزان باحزان
فيها الفرح مفقود وينه وويني
رماى لكن صرت بالوقت نيشان
لوعات بقعا (عقلت) لي يديني
هم(ن) بقلبي لو يجي وسط بركان
كان انفجر من حر ما كان فيني
ولو بجمع اهموم الاوادم بالأزمان
ما توصل الهم الذي معتليني
كني رماد او كني احطام إنسان
عايش بدنيا مظلمه وسط عيني
اضحك وانا عبرات دمعي بالأعيان
والحظ طاح ويالله انك تعيني
مديت له كف العطاء دون نقصان
وحررت قيده عقب ماهو سجيني
ما دام ما ينفع معه طيب وإحسان
ما عاد انا أرجى بالليالي يجيني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.