الغيره تهد بيوت

مادام ان الشعر غبه لمن بعدي ومن قبلي
ابا عبر عن الي جال في صدري وفي بالي

ولا يًابِير أنا جيتك بدلوي ثم عليك أدلي
عسى ماتقصر اليمنى ولاتقصر لك حبالي

ولا يالي تنًادبليِ مراسيلكَ ترِصدلي
ترايه مالتفة في كل من جاليِ وغنالي

اخذ قرصه على اذنك ثم طيورك لاتغردلي
ترى الغيره تهد بيوت قبلك هدت جبالي

تعرف انك سكنت بوسط قلبي ثم في عقلي
غلا وشعور ثم احساس لانك صاحبٍ غالي

يكفيني من الدنيا تناظرلي وتضحكلي
بري حالي من خدودك من عيونك بري حالي

احبك لو اغيب اشهور عنك وينقطع وصلي
احبك ونتظر فرصه تجيني ثم تهيالي

احبك ثم لك الله ماتعذر بالخطى رجلي
اسوق الك القدم واجيك لانك بالغلاء عالي

ارتبلك حروف الشعر وعيونك ترتبلي
خيالٍ ياسع افكاري ويحيني ويحلالي

تعيش بكل حرف من بيوتي ثم زانتلي
حروف جات من شانك تعانقني وتبقالي

على مر الزمن فيك القصيده ثم تخلدلي
تعيش بحبك الخالد مدامنه على جالي

حبيبي لو دعيتلك القصيده ثم ماجتلي
فداك الشعر والشاعر قصيده بول وتالي