][][ القلب ضاع ][][

القلب ضاع وضيع القلب ذره..
ذرة قساوه من تصاريف جاير..

بعثر كياني يابشر يوم عذره..
اقبح من افعاله يدور بدواير..

قلبه رماد وباله افكار قذره..
يعيش في خبثٍ وذنب وكباير..

حلفت لانسى ويوفي الحر نذره..
لانساه لو هو في سما العين طاير..

هو يحسب ان الحب حكيٍ وهذره..
مادرى انه ساس للقلب صاير..

شوف الشجر منصوب من ساس بذره..
ولولا وجود الساس تنفى العماير..

والحب مثل السيف للكل شذره..
من يجهله يبقى بالاحباب حاير..

من عاف حبي يابشر مانحذره..
اللي يحرث النار يجني سعاير..

ومن صان حبي بالخطايا نعذره..
ويبشر بقلبٍ بالوفاء جاه زاير..