يا بنت الاجواد - علي الزهيري

يا مزون انا يابوك حالي كليفه
بين الرجاء والياس يابنت الاجواد

والعمر يابنتي تعد خريفه
والى صبرت الهم يزداد يزداد

والنفس يابنتي معيفه معيفه
عن ما يشين الذكر ويغث الاكباد

ولا رجيت من البخيل الرغيفه
رزقي على من ثبت الارض بوتاد

الواحد المعبود منشي رفيفه
اللي له اجباه المصلين سجاد

لا تحسبين الوقت لو زان صيفه
تصفي مشاريبه لمن جاه وراد

كم فرقت بين الوليف اوليفه
دنيا كفا الله شرها اسهومها حداد

يا حبني لهل العلوم العفيفه
لطامة العايل هل الطيب واجواد

ويا كرهني لها العلوم الكسيفه
اهل الردا والنم والذم حساد

ودي اموت ولا بقلبي حسيفه
ولا علي احقوق لناس وارفاد

هذي حياتي واحمد الله شريفه
على النقا ما همني هرج نقاد

© 2024 - موقع الشعر