مضيّع شداده..!

على الله يا سياف بكره تبيع اليوم
يغيب القمر والشمس من غد ولاده

ولا يمنع المقسوم من يعطي المقسوم
ومن لا نقص وزن المكاييل مازاده

تبين الظواهر غير والبيع دون السوم
يدل الرجل مغزاه ويضيّع أشداده

لو يبين لون الظلم في نظرة المظلوم
عرفت المكآن الزين من عين رواده

ولو أن الأمور اللي وراها يطير النوم
تجي بالسهوله كان كل البشر قاده

لكن ما يجيد العوم من يجهلون العوم
ولا ياسع الرجّال ماد مهو ماده

حياة البشر ذا شخص معطى وذا محروم
توافيق واحظوظ الرياجيل مدّاده

يصافحك هم ويقتفي من وراه أهموم
وصارت هموم الوقت في سلمنا عاده

يصير الرجل وقت الشدايد قوي اعزوم
ومن مات عزمه هده الوقت ثم باده