بحر جـــــده

على شاطيك .. انا وياه وقفنا يا بحر جده
بليلٍ ٍ يا عسى مثله بعمري يا بحر ينعاد ..!

ذبحني بالغلا والشوق .. والتفكير من مده
ودعيت الله عسى اللي له بقلبي يا بحر يزداد ..!

احبه واعشقه واموت به .. واحياه من مده
ولا لي صدةٍ ٍ عنه .. ولا يقلل غلاه بعاد ..!

خفوقي من غلا الغالي .. ابد مابه احد قدّه
احس إني إنكتب لي عمر وايام وسنين جداد ..!

عساني ماخلا منه .. يا دار الهون والشده
عسى ايامي معه دايم افراح وهنا واعياد ..!

انا وياه جينا احباب .. يمك يا بحر جده
عسى ايام الغلا والحب .. بجده يا بحر تنعاد ..!