ترتفع راية .. وتنزل من سببها راية
شي(ن) اكبر من مدى فكري ومن مقدرتي
من يدور لي بدل حبر القلم محاية
ودي أمسح سطوة الحجاج من ذاكرتي
جابته (علايه) اوناديت يا .. علايه
كيف كنتي قبل ابوك وكيف بعده صرتي ؟!
اصبح الحجاج من رايك يغير رايه
وش بااسوي لو وقفتي وقفته وامرتي ؟!
مالنا الا نسرد احكايه بدال احكايه
لو حروفي من عناي اتطل من محبرتي
ناظريني .. يمكن اني للوجود امرايه
بس قولي قبل ما تمشين وش ناظرتي ؟
انتزاع احقوق عالم وارتكاب اجناية
والمصيبة عذرك المكشوف لا كابرتي
وان مشيتي قام يمشي لك حرس واحماية
تحسبين إنك من اعيون الولي غادرتي
لو قريتي سورة الإنسان آية آية
ما ظلمتي واحد(ن) مسلم ولا جاهرتي
للفشل قصة هروب وللنجاح ارواية
بس ماادري فالعقوبه ليه ما فكرتي ؟!
ان دعيت الله يعمك مغفرة واهداية
ما يرد احقوق خلق الله صدى حنجرتي
كنت أسوي من سحابي للسحاب ادعايه
والنهاية سمموه ومات غصن اشجرتي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.