روح ما احب طاريك

انا نسيتك روح ما احب طاريك
ما ابغى اشوفك دايم(ن) في خيالي

خلك بكيفك انت حر ب لياليك
ما احب تجرحني وتهدم امالي

ولاتحسب اني في غيابك بطريك
حتى ولو هلن دموع(ن) غوالي

ما ابغاك تحسبني بتالي امانيك
انا وش اللي غير هجرك بقى لي..!

إما تصارحني وتكمل مساعيك
ولاّ تخليني وتقطع وصالي

حرام انا احبك واضحي واصافيك
وانتا تبادلني بصد وتعالي

يمكن كلامي والحكي مايسليك
دايم تخليني وحيد الليالي

لو كان قلبي والحشا لك مماليك
برمي بهم وارتاح واقعد لحالي

مالي بهم حاجه ولا ابغى تعاليك
دامك تحسب الحب لعب وتسالي

اخلصت لك يوم الغرام ب اياديك
واليوم اشوفك رافع الراس عالي

خلك بصدك كان ذا الصد يرضيك
والله يعوضني عن اول ب تالي

بدعي لك ان الله بحبك يهنيك
احضن هواها وابتعد عن مجالي

لو ان قربي في حياتك يعنيك..
والله ل اسافر فوق نجم(ن) يلالي