ياحارسي السجان دوك الحكايا
وأرخي لها سمعك وعقلك وبعدين
ركز على فصل الشقا والرزايا
وعرج على جرح ٍ سطا بين ضلعين
ولا يحزنك همي وحزني وبكايا
القلب يدمع قبل لا تدمع العين
ولا يذهلك نزف الجروح العرايا
ولا يسخطك موت الشجر والبساتين
ولا يرهبك لون السواد بسمايا
غايب قمرها العام واليوم عامين
ياحارسي الود ماله نهايا
مهما سعوا العذال مابين قلبين
وعمر أختلاف الرأى ماافسد قضايا
لو أنقسم رأي الجماعة لرايين
ياحارسي بالله خلك معايا
حريتي قيدتها خلف بابين
الباب الأول موت حلمي ورجايا
والباب الأخر جرح قلب ٍ وسكين
ياحارسي الصبر مرّه حلايا
لا صرت عايش بين ناس ٍ مجانين
وشفني هنا رغم الهموم أتهايا
وألثم جبين الشمس وأحضنه بيدين
ياحارسي شف هالحكاية حكايا
محصورة ٍ مابين بكره وألحين
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.