المرجله تبغى رجال مناعير

((ناس ٍ لهم بالقلب حشمه وتقدير))
ودك تسيريمهم كل يومي

ياماحلاشوف الدلال المباهير
في مجلس ٍ يبعدكثيرالهمومي

فنجالهايسوى فلوس ودنانير
مع رجال ٍ كلّبوهم قرومي

عاداتهم وافين مابه تقاصير
فتخان الايدي بالمواجب تزومي

افخربخوتهم على كل مايصير
امثالهم في هالزمان امعدومي

وابعدعن اهل الهرج راعي الهواذير
اهل النمايم ناقصين العلومي

اللي لهم في عرض الاجوادتحدير
ضعاف الانفس في خطاها ترومي

مافيه غيرالشرمايجيبلك خير
كنّه بخلق الله بس امحكومي

لاش ٍ ولدلاش ٍ دروبه مخاسير
لوطاح ولداللاش عيى يقومي

المرجله تبغى رجال ٍ مناعير
صعبه على الجهال ذيك الرخومي

وسلامتكم ...