يا اغلى الغوالي

سلامتك.. يا فرحة القلب والروح
لاباس .. يا بهجة ضيا العين لاباس

الله كريم يكشف الباس وتروح
عنك الهموم وتنجلي غيمة الياس

يمه .و. الى طبتي لنا طابت جروح
في قلبي اللي با العنا صار محتاس

يسلم لنا قلب على الدوم مفتوح
نشكي على قلب رقيق وحساس

بشورك ورايك كل خير ومصلوح
حنان قلبك ماله احدود وقياس

ممدوح فيك الطيب .. والجود ممدوح
انت لنا قدوة وعز ونبراس

انت لنا نبع .. وبسمات وفروح
وفي تذعذع فيه هبات نسناس

يا اغلى الغوالي.. يا عطر ورد يفوح
حبك حياة .. وتاج يزها .. به الراس