دام الجزل فنجال وفكري متقهوٌيه

هاجوس فكر ٍ ع الجزايل مظريه
جاب المعاني وخطها بكف يمناه

دام الجزل فنجال وفكري متقهوٌيه
جزل ٍ على ضوٌ المشاعر حمسناه

مثْلي بشاره من الاصابع يلبْيه
واحيٌان يلبْي بلا اشاره وتوٌداه

اشوف كل ٍ صاير اليوم يغنيه
حتى ( قواريرك يادنيا ) اتوٌلاه

احد ٍ يرده لجل ليره مع جنيه
واحد ٍ مع من غنْا غنْا لاغنْاه

اليوم انا للي على القلب ابنْهيه
محبوبي اللي مابعد قاللي هاه

احترت وحيٌرت الفكر في معانيه
كل المعاني ماتوٌفي لمعناه

كل الخلايق نقطة ٍ في موٌاريه
كل من سمع وصفه يهذري بحلاياه

ادعج غنج ريم الفلا ويش اسميه
وكل الحروف الابجديه اتمناه

في وصفه وصف ٍ مايوٌصْف احد فيه
غديتله قيس ٍ وصاير لي ليلاه

كل الوصايف عاجزه لاتوٌفيه
محبوبي اللي حالي ٍ حيل ومحلاه

جاوٌبته من قبل السؤال !!بنعم إيه
حتى جوٌابه قبل يسئل عرفناه

القلب ولولا ساكن القلب مابيه
اللي غدالي النبض وموتي بفرقاه

محبوبي اللي كل مافيني هاوٌيه
اقسم ملكني ولوٌ طلب روحي افداه

من غيره اللي يسكن القلب وماليه
ومن غيره اللي يفتحه لوٌ قفناه

يعني ترا مابه من الخلق يساوٌيه
وحده ولااحد ٍ ساكن القلب وياه