يازين بيت الشعر ويازين عمدانه
تبنيه مجمولةٍ مااحدٍ يعاونها
لفت عليه اذرياته واكتمل شانه
ثم شبت النار والرحمن حاضرها
ماهي بمدبولتن تمشي ووجعانه
فيها مرض قلب والشيطان حاشرها
في مرقبٍ زايفٍ بقله ومكنانه
فيه الحباري جديداتٍ جرايرها
وتشوف فيها الادم وتشوف غزلانه
اللي ليا شافت ازوالٍ تذيرها
جوهم عسوسه وقالوا ديرةٍ زانه
قالوا فلان الفلاني هو مسيرها
مشوا هل البل وردة زملهم قانه
ومن غاب رجالها تنهم قطايرها
وشالوا على اللى طوال الروس حجبانه
يازين مشيٍ بها لااعطت برايرها
حلّوبه عصير والعربان تعبانه
واللى تأخر يجيهم مع جرايرها
ومن شب ناره تلاقت كل عربانه
كلٍ يجيب العلوم اللى محظرها
وقاموا على البل وكلٍ جاب ميزانه
إن كان به خلف والا من عشايرها
وتسمع لهات الجمل باالصوت رنانه
واللي يباها تشوف انه يخازرها
اخير من جلسة التاجر ودكانه
اللي مقيمٍ بها جانب مقابرها
ماهيضه مجحفٍ لاانقاد ربانه
والارض مااشهته الى زانت مناظرها
يازين نبت العشب والارض رويانه
تشهي قلوبٍ جديد القفرساحرها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.