ليه يا سود الليال ..؟

ليه يا سود الليال و ليه يا همّ الوساده
ركعتين وبسم ربي كلما اشتد الوطيس

كلما هبّت هبوب الضيق في وجه السعاده
قم توضّ وإسمع القرآن بلسان السديس

وإترك الموضوع للي رحمته تشمل عباده
لا تضايق .. وإجمع هموم الليالي وسط كيس

وإرمها في غبّة النسيان والدنيا زهاده
كل ما فيها خساره والثمن فيها بخيس

وإبتسم لا صار حظك بين خيبات وقراده
ما تصيب إلا تخيب ولا تقول إنك تعيس

والشطاره ما تجي من غير تكرار وإعاده
لو تفوت الأوله ... للثانيه خلك عريس

وإغتنم وقتك بخير وكل ما فيه الإفاده
وإنتبه قالوا مقامك بالمقارن والجليس

وإن قدرت وصار لك إسم ومقامات وشهاده
قبلك أفلاطون ونيوتن وطبّ إبن النفيس

والشجاعه والجماله والشهامه والركاده
من فقدها ما يصحّ إلا نقول إنه فليس