لقا حتفه غلا قلبي

لقا حتفه غلا قلبي وقلنا ياغلا مرحوم"
"سبب من شانت اطبوعه عقب ماكان يغليني

أبنسا عشرة الماضي مدام إني قوي عزوم"
"ولا راح ألتفت لو هو بعالي الصوت يدعيني

مدامه بايرٍ فيني علي الله لحقْه اللوم"
"أعيف الناس من شانه وبالصدة يجازيني

ترا من عافنا عفناه ولوهو بالغلا مدعوم"
"يروح بسكته غالي ولا كن شافته عيني

يخون العهد ويبغيني ابين كني المهزوم"
"وأنا ماأرضى الهزيمة والعزيمة دايمه فيني

ترا طول الجفا ماهوب حارمني حلاة النوم"
"يحسب إني قتيله والمواصل راح يحيني

يجي ويروح وقلبه من مداهيل الوفا معدوم"
"وأنا مانيب مترجي حنانه لو يخليني

مع من ينكر المعروف ماأضن الليالي اتدوم"
"ولو الحسن يسخابه ترا غيره مزايني

مصيره من مصير الي نسيته في اقل من يوم"
"ولا أدري وش حصله من هذاك اليوم الى الحيني