ابن الملوح

من يعيش بدون قلب الله دره
يكسب الراحه مع الناس الخليّه!!

في زمان اليوم ياصعب المسره
والقلوب مشتته مع كل نيه

من حصل له صاحب ٍ يكفيه شرّه
والله انه فايزٍ باغلا هديّه

ما يبي منّه ولا مثقال ذرّه
غير ردّه للسلام و للتحيّه

و أنت يا قلبي على كثر المبرّه
ما لقيت إمن الغلا غير الأذيه

تبدي الضحكه وبك مليون حرّه
موجعك ما صار في حال البريه

القريب اللّي مرض قلبه يفرّه
والبعيد اللّي يدوّر له ضحيّه!!

وين هاذيك الصفات المستمرّه
في خيالي للحياه الأريحيه ؟!

بعد ماحلّ الرخا جات المضرّه
صارت الأنفس على حالٍ رديّه

لا تعاتب .. لا تلوم .. ولا تشّره
ما يبّل الما . . الحصاه السرمديه