وين انت

وين انت ياللي كل ما جيت منّا
ألقى وصوفك في مراسم خيالي

الطير من فرقاك ما عاد غنّا
والشوق ما خلاّ لكم راس مالي

بيت الشعر لأجل المشاعر يبنّا
ياللي غرامه ضاربٍ كل جالي

يا من سكن في داخل الروح عنّا
الله يلدك من هموم الليالي

الدار تنشد عنك يا من سكنّا
يا من بنى قصر المحبه قبالي

متكوّر ٍ في عيني اللي تمنّا
شوفة جبينك يا حسين الدلالي

لو السهر ينفع سهير ٍ تعنّا
ما كان ذا (حالك) وهذاك (حالي )

لا تحسبني في غيا بك مهنّا
الله عليم كيف حالي لحالي

الله يعينك ياعشيري تغنّا
والله يطول بالك ____ بطول بالي

اصبر علا ما صابنا في وطنّا
_انا جنوبي _ صرت لأجلك شمالي

واللي حصل والله ماهو بمنّا
ياللي يعادل حبك اغلا عيالي

وين انت نذكر كيف كنا وكنّا
الشوق لك ما يركد اول وتالي

شعر علي ابن نهايه