عطر الياسمين

انتثر ليلي على صبحي حزين
وأشرقت شمسك وأنا روض وزهر

فاحت جروحي بعطر وياسمين
واشتعل حرفي بصدري ..من قهر

القلم ربان والمعنى سفين
والورق ضميان.. وأفكاري نهر

يا حبيبي يا شموخ العاشقين
يا شبيه الحر لا منه شهر

رد قلبٍ في يدك خذته سجين
يكفي أن السر.. للعالم ظهر

غبت لكن عنك ما غاب الحنين
ما خبر شوفي عطى طيفك.. ظهر

يشهد الله جرحك بصدري ثمين
صدق إني منك.. حبيت السهر

صرت لمخيم عذاباتك جنيَن
كنك الموت الحمر لا من ظهر

يا اصدق أحبابي على مر السنين
شف شعوري من سواياك انبهر

ما طلبتك معصية للوالدين
ولا طلبتك تعطي السمعة مهر

اعتقد إني طلبتك حاجتين
لا تواصلني .. وتقطعني شهر

إزعل وعاتب ولاكن لا تهين
لا تظن البنت ما هي.. من ظهر

ما يفيد أقسى ولا ينفع تلين
لا تصير العون في ظلم الدهر

دامنا بين الليالي راحلين
خلنا نقطف ... ليالينا زهر