رعشة يدي

حياتي طالت الفرقى علي ولابقى بي حيل
وانا اشكي لك وابين لك واشوفك ماتشاكيني

خذي رعشة يدي تنبيك عن مالفحشا من ويل
وابي كفك يلامسني بلمسة شوق تدفيني

وصدق الحب يظهر لك من عيوني بلاتمثيل
لان العين ماتكذب تترجم للمحبيني

غلاك بداخل ضلوعي تمكن مايبي تبديل
ما اقول انك ملكتيني بلا والله سلبتيني

الا منك ذكرتيني يزيل الهم والتعليل
ويعود الهم يذكرني الا منك نسيتيني

كتبت الشعر ابين لك غلاتك ياملاك الليل
وانا جيتك ولي طلبه طلبتك يانظر عيني

طلبتك كلمة (ن) وحده دخيلك يابعد هالجيل
دخيل امك دخيل ابوك تعالي لا تخليني