حبه الصافي

يا من توزع بجسمي حبه الصافي
حبه جرى في مجاري الدم وعروقه

لا أوحيت طاريه ضيعت التصراف
حتى اللسان الفصيح يضيع منطوقه

إن جات منه العلوم أصبحت متعافي
وإن وقف العلم قلبي يبس غرنوقه

أمشي بعزم وكبدي جىحها خافي
والنفس مبطي وهي بالحزن ملحوقه

راعي الهوى سامح له كل عرافي
من كان يفهم سلوم الحب وحقوقه

ياللي شكيت الهوى قدامك اسلافي
كم عاشق ابتعد عن شوف معشوقه

كل من الحزن قد هذ حقه الوافي
ونفوسنا اللي وطاها الحزن مسبوقه

من لوعة الحزن حنت كل ميلافي
كل يعزف الهوى سلمه وطاروقه

فإلى تشره علينا كل متعافي
ما يعرف السوق من لا داج في سوقه