والله اني من وداعك ماسليت ضايقن صدري عن الناس امعزول كل ماتطري علي اقول ليت ليت تدري عن مشاريه الملول وكل ماسجيت عن ذكرك طريت اتصبر مير يذبحني الفضول حبي اللي في بداياتي بنيت ماهقيت انه على بعادي عجول ويوم شفتك لابعدت ولا دنيت قلت يمكن في محبتنا عذول أول افرح في حضورك لالفيت وإن فقدتك صار في وضعي ميول واتذكر هرجتك لامن حكيت واسكر بشوفك وانا ما اشرب كحول انت اول من عشقت ومن هويت وانت من ربي احبك يالخجول آآآه إلى مني نظرتك ثم بكيت تمسح العبره وودك بالحلول مستحي لا والله إلا ماقويت تترك ورودي من فراقك ذبول وجد حالي وجد عودن مايبيت فاقد ابنه والليالي به تطول ثم لفوه القوم قالو له ْبليت والولد ميت على النعش امحمول ذاك وجدي في بعادك ماهنيت اتحرى الضيق عن صدري يزول كني ارضن ماعليها مستميت تنتشي للسيل ورعود الهطول صابرن لأجلك ولاعمري شكيت والقدم تعبت ولاحولي وصول

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر