لاصرت شخص مايعرف المواجيب واهل الفعول الوافية ماانت منها ولاصار حضك مايدلك على الطيب ومنك افلتت خيل المراجل رسنها وان كان ماتنأى بنفسك عن العيب ولاانته من اللي لانطقها وزنها لاتشتكي لومالقيت الك اصاحيب ضريبة ملزوم تدفع ثمنها المرجلة مرقاب واصعوده اصعيب قمة قصير الشبر ممنوع عنها وقلب مايفطن ماتفيده تجاريب هذي مقادير الحياة وسننها ولحية ماهيب تعز لوكلها شيب ستر لصاحبها ليامن حسنها كم راس قوم مادرس بالكتاتيب وجل المعارف في حياته فطنها يوخذ برايه في المهمات ومصيب ريف على اصحابه والاعدا غبنها سلم على اللي لانخيته كمالذيب في حاجة لوهي عصية ضمنها اللي ليا جيته لقيت التراحيب والحايل الجزله يقدم صحنها قوي عزم ومن طوال الاشانيب ناس عديم اوصافها في زمنها الها من العد الرهاوي مشاريب على دروب المجد حثت ضعنها والنية اللي مالحقها عذاريب يسعد بها اللي في فعوله قرنها على النقى خوة ولاشابها ريب تبعد عن النفس الحزينه حزنها اما كذا ولاعساها الذواهيب ولابحفرة تندفن في كفنها هذا كلام الصدق ماهوب اكاذيب من شاعر لاقال كلمة ذهنها وحروف شعري من ضميري بترتيب من راسي اقدحها واغني لحنها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر