ياهاجسي يوم العشاير ضامرات ركابها شاعرك من قدحك يحقق ياهجوسي مطلبه اما تجيب الجزله اللي للعلا نرقابها ولا عن الميدان جنب بكرتك لا تقربه العاصفه بالحزم هبت ونتخت بذيابها يوم اليمن نادت على صقر الجزيره تطلبه واللي مثل سلمان لامن عذربو بحجابها عن بكرة الدنيا وابيها في يمينه يحجبه شلة سمرمد خايبه ماهي كفو ل شنابها امواليه ل ابن الحرام اللي حرامً مشربه هو يحسبن المملكه هين يمس ترابها لا والله ان يبطي وحنا بالرواجم نضربه جتك الصقور الحايمه تقلعك في مخلابها وحدودنا من دونها كل حر يدمي مخلبه وانا ادري انك يالمجوسي ماحسبت حسابها والحين ذوق اللي طبخته وحسب اللي تحسبه حنا هل العليا وحنا يالغشيم اصحابها والعهد لا منا قطعنا يالردي ماننهبه نقدح ليا من المعارك كشرت بنيابها واللي نوانا بالرديه وسط داره نغلبه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر