الشاعر سليمان الشاردي

نويت الرحيل سلامٍ على الدنيا واهلها بعد فرقاه سلامٍ على باقي امانيّ مجموعه جمعت وحزمت اشياءه اللى بقت ذكراه وسط شنطة احزاني مع الجرح و اللوعه نويت الرحيل ابعد من العالم ودنياه نويت الرحيل ارضٍ من الناس مقطوعه والا واعذابي و اردف الآهـ جنب الآه بعد عين من روحي غدت فيه مفجوعه بعد عين من راح وتركني أسير اشياه وروّح مراحٍ حطّ قلبي من اضلوعه ملى خافقي حبّ وترك خافقي يضماه لـ انا قانع ابوصله ولا راجي رجوعه الا يا وجودي وجد من يستحال ادواه طريح الفراش وينظر الروح منزوعه والا وجد حالي منه وجدٍ على لاماه وجود السجين ولا درى ويش موضوعه قضى عام في سجنه ولا شاف من حاكاه جهل جرمه وعنه الزيارات ممنوعه سليمان الشاردي