البارحه عن لذة النوم فزيت

لـ عبدالرحمن طلال تركي الحويطي، ، في الملاحم، 7، آخر تحديث

البارحه عن لذة النوم فزيت - عبدالرحمن طلال تركي الحويطي

البارحه عن لذة النوم فزيت
والعين عن حر المنامه تغابت

اقالب الجنبين عدي ليا جيت
واجاوب اللذه وهي مستجابت

ولو زيين المرقاد لي مستلذيت
من واهجن بين المعاليق نابت

وجدي على المرقاد به ماتهنيت
اركت على قلب الشمالي وصابت

اكتم رعدها عن عروض التناهيت
وتخيل نفسِ عن رثى الحال هابت

تحسب هقاوينا على ما تهقويت
وهقواتكم مبطي بنا كود خابت

العمر مركب والليالي توابيت
ومن لا غنم عمره عليه اتكابت

ياكم هقت قبلك من البعث تكريت
وعتاقها بيدين شت المنابت

كن شعر صخر من الوزن عفريت
وعفريتي من جور الايام تابت

بالهرج ولع للي من الهرج كبريت
انفوسنا من زاهل الهرج طابت

© 2022 - موقع الشعر